قصيده ام في دار العجزه

المساهمات : 51 تاريخ التسجيل : 26/05/2008 العمر : 39

هذي قصيده أم بعد أن اودعها ولدها ( دار العجزه ) ..

أو كما يقااال ( دار النسيان ) ..

أترككم مع القصيده

وين أنت يا حمدان أمـك تناديـك

وراك مـا تسمـع شكايـا وندايـا

يا مسندي قلبي على الدوم يطريـك

ما غبت عن عيني وطيفك سمايـا

هذي ثلاث سنين والعيـن تبكيـك

ما شفت زولك زايـر يـا ضنايـا

تذكر حياتي يـوم أشيلـك وأداريك

والأعبـك دايـم وتمشـي ورايـا

ترقد على صوتي وحضني يدفيـك

ما غيرك أحدٍ ساكن فـي حشايـا

واليا مرضت أسهر بقربك وأداريك

ما ذوق طعم النوم صبـح ومسايـا

ياما عطيتك من حنانـي وبعطيـك

تكبـر وتكبـر بالأمـل يـــــــــا منايـا

لكن خساره بعتني اليـوم وشفيـك

وأخلصت للزوجه وأنا لي شقايـا

أنا أدري إنها قاسيـه مـا تخليـك

قالت عجـوزك مــــــا أبيهـا معايـا

خليتني وسط المصحه وأنا أرجيك

هذا جزا المعروف وهــــــذا جزايـا

يـا ليتنـي خدامـة بيـن أياديـك

من شان أشوفك كل يوم برضايـا

مشكور يا ولدي وتشكر مساعيـك

وأدعــــي لـك الله دايـم بالهدايـا

حمدان يا حمـدان أمـك توصيـك

أخاف ما تلحق تشـوف الوصايـا

أوصيت دكتور المصحه بيعطيـك

رســـــالتـي وأحروفهـا مـن بكايـا

وإن مت لا تبخل علـي بدعاويـك

وأطلب لي الغفران وهـذا رجايـا

وأمطر تراب القبر بدموع عينيـك

ما عـاد ينفعـك النـدم والنعايـا

المساهمات : 103 تاريخ التسجيل : 15/06/2008

الف الف شكر موضوع رائع

أختكم:نسمة king