قصــــيدة حزيــنهـ حركــت مشاعر شعبنا الغالي(السعوووووديهـ)

السلام عليكم ورحمة الله وبركاتة

::::>>> القصيده التي أبكت الشعب السعودي<<<::::
الطفوله:
أحلى مافي هالحياه
مرحله من غير هم
كنا دايم نبتسم
كنا حتى لو بكينا
وجارت الدنيا علينا
بعد لحظات وثواني
بسمه فينا ترتسم
كنا نركض خلف كوره
(لا لا أنا ماكنت معهم)
وحدي بس بعيد عنهم
كنت أنا أضحك عليهم
جالس لحالي أهذري
جالس أحسب كم كوبري
صلحه أحمد في ماجد
والله وااااجد
وقبل مايحل الظلام
للبيوت نروح نجري
(لا لا أنا ماكنت معهم)
أمشي بعيد عنهم
أمشي وأعدد أثرهم
وهم عني يبعدون..يبعدون...
يبعدون...
الا ماجد كان مثلي حيل ضايق
كان يسألني ببراءه
ليش تعرج؟قلت مدري باستياء
ليش تبكي ؟قلت ماأبكي
بكبرياء..
ضاق مني ثم سألني
قال:"وثريك تثابق"
وراح عني...
كنت أسأل دوم نفسي
ليش ماأركض معاهم
ليش دوم أمشي وراهم
وش بلاي أو وش بلاهم
ليه أنا غير الأنام
زاحمتني الأسئله
كل شي أجهله
وان تعبت من الأجابه
احضن الحيره وأنام
مرت سنين وكبرت
صار همي اليوم أكبر
حتى دمعي صار أكثر
للأسف توي قدرت
أفهم اني شخص ((عاجز))
يعني بيني وبينكم مليون حاجز
وصدقوني ذي حقيقه...
لاطلعت السوق كل ماأمشي
دقيقه
ألقى كل شوي أبله
يمشي ويناظر صديقه
يغمز له يقول ناظر
وش يناظر
وتفجر داخلي ألف ضيقه
ووحده في وسط الزحام
طالعتني باهتمام
بنت في عمر الزهور
أي رشاقه وأي أناقه وأي عطور
قلت في نفسي ياهووووه
هي تناظرني بغرام
أو هي نظره والسلام
بس أكيد انها تعرفني ..شايفتني..
شايفتني في جريده..
وأعجبتها لي قصيده..
ايييه توي افتكرت
لي قصيده كنت ناشر معها
صوره
بس صوره ياسلااااام
وفاجأتني لما صارت لي قريبه
كانت تتمتم بطيبه
"يكسر الخاطر حرااام"
وتركت دمعه غريبه
وضاعت بوسط الزحام
ارتطم قلبي بضلعي...دمرتني
صدقوني أصعب اللحظات
وأقسى
لاغدا الرجل يكسر
خاطر أنثى
كيف ينسى جاوبوني
وزاد همي يوم فكرت بوظيفه
ثم زواج
أي وظيفه ..وأي زواج
واللي مثلي مهما طالب
لو يلف ولو يدور
زين لو حطوه كاتب لا وعلى
بند الأجور..ماهو رسمي
صدقوني لو تدرج
وصار راتبه يتصاعد
وابتدا وضعه يزين
ماأظنه بيتزوج
حتى لو بعد التقاعد
وفي النهايه يابلدنا
مهما كانت تسميتنا
عاجزين ..معوقين
لك عهدنا وذا قسمنا
أقسم بالله العظيم
منزل الذكر الحكيم
أن أصونك يابلادي
من شرور العابثين
من مطامع كل حاسد
من نوايا كل فاسد
واني لك حصن حصين
انتي ناديني وشوفي
لا نويتي بالجهاد
والله أقهر لك ظروفي
دامك أنتي لي بلاد
وباسم كل العاجزين
دام فينا أصبع يطول الزناد
لايهمك يابلادي ...وازهليها
ازهليها يابلاااااادي....